Vaha ti quihvi cun nu cuu chi cuenda Tuhun Ñuun cha cahan ñivi Ñucaan.
"Sava ni ta cua andivi cuu Ñuun Ñucaan, nu sucu tati chihin yo"
Tiahvi Ndioo chi ra Ndioo, vati cati ndihi ñivi cha iyo ñuun Ñucaan ndihi ñi ni cahan tuhun cha cutuhva ñi nda cua ni cuu ñi ve cuati, ta vaha xaan tu cha cua sanihin yo cahan yo tuhun cha cuu tuhun yuhu maan yo. Ta chacan savaha tiñu pagina Web ya, vati tacan ña cua naan ini yo tuhun yo, ta cua coto yo cuhva cha taqui chi.
Ñuun Ñucaan cuu chi iin ñuun luhu, soco taqui xaan chi, cuahan xaan cha taqui iyo chi ta cuaha xaan nu taqui nu cuu cuhun cun cundehe cun, ta cua nu cuu chi siqui Yuu Sihi, nu cuu chi Yuu Ticasi, nu cuu chi Yuu Tahvi Ndoso, nu cuu chi soco Yuta Vee, ta nu cuu cuhun cun ndehe ndoso cun cuu Itu Yuti chi siqui Yucu Chaa.
Ta ndihi nuun yucu vixin iyo ñuun Ñucaan ta cua: Mancu, tita, ticuaa, ticuahndi, ticuva, ticuaa vixin, ndacu chaha, ticava, ticaha, ndoyo ndata, paya chi ndihi ca yucu vixin. Ta tachi ñi ta ñi nuni, nduti tuun, nduti cuichin, nduti pahla, nduti pintu, nduti londo, nduti cuarta, yaha, tinana, jojoliin, ndiqui chi ndihi nuun ca cuati suhva.
VEHE CUTA
Cuu tahan quihvi cun ihya
https://www.ethnologue.com/language/mio
Nanducu chi ñivi ihya http://facebook.com/xihi.mendoza